Հասարակական
Իբրահիմովիչը հեռանում է «ՄՅՈւ»-ից
Անգլիական «Մանչեսթեր Յունայթեդ»-ն իր պաշտոնական կայքում տարածել է հայտարարություն, ըստ որի՝ չի երկարաձգվելու հարձակվող Զլատան Իբրահիմովիչի հետ պայմանագիրը:
«Ակումբում բոլորը շնորհակալ են Զլատանին նրա ունեցած ավանդի համար և ցանկանում են հաջողություն հետագայում»,- ասված է «մանկունիանցիների» մամլո ծառայության հայտարարության մեջ:
Հիշեցնենք՝ ազատ գործակալի իրավունքներով Իբրահիմովիչն անգլիական ակումբ էր տեղափոխվել «ՊՍԺ»-ից դեռևս 2016 թվականին:
Ընթացիկ սեզոնում 36-ամյա հարձակվողն անցկացրել է ընդամենը 5 հանդիպում անգլիական Պրեմիեր լիգայի շրջանակներում: Ակումբի հետ Իբրահիմովիչի պայմանագրի ժամկետը լրանում է մոտակա ամռանը:
Ավելի վաղ արտասահմանյան ԶԼՄ-ները հաղորդում էին այն մասին, որ մոտ ժամանակներս շվեդ ֆուտբոլիստը կդառնա «Լոս Անջելես Գելըքսի»-ի խաղացող:
Լուսանկարը՝ T-Online.de-ի