ԱՎԵԼԻՆ

Հասարակական

Տավուշի մարզում ականի պայթյունից 3 քաղաքացի է վիրավորվել
15:55 13.04.2018

Տավուշի մարզում ականի պայթյունից 3 քաղաքացի է վիրավորվել

Ապրիլի 12-ին արտակարգ դեպք է տեղի ունեցել Տավուշի մարզում։ Այս մասին հայտնել է shamshyan.com-ը:

Ժամը 15։50-ի սահմաններում «Այգեձորի առողջության կենտրոն» պետական ոչ առևտրային կազմակերպությունից ոստիկանության Տավուշի բաժին ահազանգ է ստացվել, որ «աջ նախաբազկի տրավմատիկ ամպուտացիա» ախտորոշմամբ, «ձախ կրունկի ջնջխված վերք» ախտորոշմամբ և «ձախ ոտնաթաթի տրավմատիկ ամպուտացիա» ախտորոշմամբ իրենց մոտ են տեղափոխվել 3 քաղաքացի։

Ոստիկանները պարզել են, որ վիրավորները Տավուշի մարզի Այգեձոր գյուղի բնակիչներ՝ 36-ամյա Նվեր Ճ-ն է, 32-ամյա Աստղիկ Պ.-ն է և 37-ամյա Արամ Դ.-ն։ Պարզվել է, որ նույն օրը, ժամը 14։00-ի սահմաններում վերջիններս Այգեձոր գյուղի վարչական տարածքին պատկանող պաշտպանական նշանակության հենակետերից մեկին հարակից տարածքում սինդրիկ հավաքելիս են եղել, որի ժամանակ էլ տեղադրված ականը պայթել է, ինչի հետևանքով նշված անձինք վնասվածքներ են ստացել և տեղափոխվել հիվանդանոց. բժիշկները պայքարում են նրանց կյանքի համար:

Նշվում է, որ փաստի առթիվ ոստիկանության Տավուշի բաժնի հետաքննչական բաժանմունքում հետաքննություն է սկսվել։  

15:55 13.04.2018

Ամենաշատ ընթերցվածները