Քաղաքական
20:15
13.04.2018
«Մոսկվան ապացույցներ ունի, որ սիրիական Դումայում քիմիական հարձակումը բեմադրված է եղել». Լավրով
Մոսկվան անհերքելի ապացույցներ ունի, որ սիրիական Դումա քաղաքում ենթադրյալ քիմիական հարձակումը բեմադրված է եղել: Այդ մասին հայտարարել է ՌԴ արտգործնախարար Սերգեյ Լավրովը, հաղորդել է «ՌԻԱ Նովոստի»-ն, որին վկայակոչում է Tert.am-ը:
Նախարարի խոսքով դրան ներգրավված են «մի երկրի հատուկ ծառայություններ, որն այժմ ձգտում է լինել ռուսաֆոբ արշավի առաջին շարքերում»:
Լավրովը հիշեցրել է, որ Սիրիա է մեկնել Քիմիական զենքի արգելման կազմակերպության փորձագետների առաքելությունը:
«Այն պետք է ժամանի Դամասկոս. իմ կարծիքով վաղն առավոտյան: Եվ մենք հույս ունենք, որ առանց հապաղելու այն կմեկնի Դումա, որտեղ տարածքն ուսումնասիրած մասնագետները չեն հաստատել քիմիական զենքի, քլորի կամ որևէ այլ նյութի կիրառումը»,- ասել է նա:
Ֆրանսիայի նախագահ Էմանուել Մակրոնն իր հերթին հայտարարել է, որ Ֆրանսիան ապացույցներ ունի, որ Սիրիայի կառավարությունը քիմիական հարձակում է իրականացրել Դամասկոսի մոտակայքում, որին զոհ է գնացել ավելի քան 40 մարդ։
Լուսանկարը՝ Rferl.org-ի
20:15
13.04.2018
Հարակից նյութեր
Ամենաշատ ընթերցվածները
