Հասարակական
«Գանձասար-Կապան»-ը եզրափակչում է
Ապրիլի 18-ին կայացավ Հայաստանի Գավաթի խաղարկության կիսաեզրափակչի «Շիրակ» - «Գանձասար-Կապան» պատասխան հանդիպումը:
Հանդիպումն ընթացավ Երևանի «Նաիրի» մարզադաշտում: Այս մասին տեղեկանում ենք կապանյան ակումբի ֆեյսբուքյան պաշտոնական էջից:
Արդեն իսկ առաջին խաղակեսի 18-րդ րոպեին կապանյան ակումբի ֆուտբոլիստ Լուբամբո Մուսոնդան առաջ է մղեց իր թիմին:
Հանդիպման 0:1 հաշիվը պահպանվեց մինչև վերջ, ինչի շնորհիվ «Գանձասար-Կապան»-ն անցավ եզրափակիչ:
Առաջին խաղը, հիշեցնենք, կայացել էր Գյումրիի «Քաղաքային» մարզադաշտում և ավարտվել էր ոչ ոքի` 1:1 հաշվով: