Անգլիական Պրեմիեր լիգայի «Արսենալ» ակումբի մարզիչ Արսեն Վենգերը հայտարարել է, որ պատրաստվում է լքել պաշտոնը:
Ազգությամբ ֆրանսիացի Վենգերը լոնդոնյան ակումբի գլխավոր մարզիչն է արդեն 22 տարի: Նրա ղեկավարությամբ ակումբը, որտեղ այժմ խաղում է նաև Հայաստանի հավաքականի ավագ Հենրիխ Մխիթարյանը, երեք անգամ հաղթել է Պրեմիեր լիգայի մրցաշարում և յոթ անգամ արժանացել Անգլիայի գավաթին: Այս մասին փոխանցում է «Ազատություն» ռադիոկայանը:
«Ակումբի հետ մանրակրկիտ քննարկումներից հետո ես զգում եմ, որ եկել է գնալու ժամանակը»,- հայտարարել է 68-ամյա Վենգերը՝ նշելով, որ հրաժարական կներկայացնի խաղաշրջանի ավարտին:
Ավելի վաղ ֆրանսիացի մարզիչը ասել էր, որ իր հայրենակից՝ «Արսենալ»-ի նախկին խաղացող Պատրիկ Վիեյրային է տեսնում որպես ակումբի գլխավոր մարզչի պաշտոնի հավակնորդ:
Վիեյրան «Արսենալ»-ի կազմում խաղացել է 1996-2005 թվականներին, այժմ ամերիկյան «Նյու Յորք Սիթի»-ի գլխավոր մարզիչն է:
Լուսանկարը՝ SportBible.com-ի