Քաղաքական
ԲՀԿ-ն միացել է համաժողովրդական ընդվզմանը
ԱԺ Ծառուկյան խմբակցության քարտուղար Վահե Էնֆիաջյանը ֆեյսբուքյան իր էջում գրառում է կատարել՝ հայտարարելով, որ միանում է համազգային ընդվզմանը և այժմ Հանրապետության հրապարակում է: Էնֆիաջյանը կոչ է արել իր կուսակից ընկերներին միանալ համազգային ընդվզմանը:
«Իմ բոլոր կուսակից ընկերներին, համակիրներին և համախոհներին կոչ եմ անում միանալ համազգային ընդվզմանը։ Ինքս այս պահին գտնվում եմ Հանրապետության հրապարակում և կրկին կոչ եմ անում բոլորին միանալ համազգային շարժմանը»,- գրված է Էնֆիաջյանի ֆեյսբուքյան գրառման մեջ:
Նույն կոչն արել է նաև ԲՀԿ մամուլի խոսնակ Վանիկ Էլիզբարյանը կուսակցության քաղխորհրդի և Գագիկ Ծառուկյանի անունից:
Այսօր՝ ժամը 11:00-ին, Հանրապետության հրապարակում շարունակվելու են խաղաղ անհնազանդության գործողությունները՝ ուղղված ՀՀԿ-ի իշխանության դեմ: