Հասարակական
Գեղասահորդուհի Եվգենիա Մեդվեդևան կարող է հանդես գալ Հայաստանի դրոշի ներքո
Աշխարհի կրկնակի չեմպիոնուհի, Օլիմպիական խաղերի կրկնակի արծաթե մեդալակիր Եվգենիա Մեդվեդևան (Բաբասյան) կարող է փոխել մարզական քաղաքացիությունը և հանդես գալ Հայաստանի դրոշի ներքո:
Ավելի վաղ հայտնի էր դարձել, որ ռուս գեղասահորդուհին դադարեցրել է համագործակցությունն իր մարզչի` Էթերի Տուտբերիձեի հետ:
Весь спорт գործակալությունը հայտնում է, որ Մեդվեդևան շուտով կսկսի աշխատել կանադացի մասնագետ Բրայան Օրսերի հետ, ով հայտնի է Օլիմպիական կրկնակի չեմպիոն Յուձյուրու Խանյուի և աշխարհի կրկնակի չեմպիոն Խավիեր Ֆերնանդեսի հետ աշխատանքով: Այս մասին փոխանցում է Tert.am-ը:
Հունիսին մարզուհին կավարտի հետմրցաշրջանային հանգիստն ու կտեղափոխվի Կանադա:
Բացի դա, գործակալությունը նշում է, որ Ռուսաստանում կանանց մենասահքում առկա բարձր մրցակցության պատճառով Մեդվեդևան կարող է սկսել հանդես գալ Հայաստանի հավաքականի կազմում (մարզուհու հայրն, ինչպես հայտնի է, հայ է):
Եթե մարզական քաղաքացիության փոփոխությունը կայանա, ապա Մեդվեդևան երկու տարի չի կարողանա մասնակցել որևէ մրցաշարի:
Լուսանկարը՝ ArmeniaSputnik.am-ի