Հասարակական
Միասնական քննությունները կմեկնարկեն հունիսի 1-ին
ՀՀ կրթության և գիտության նախարարի պաշտոնակատար Վահրամ Մկրտչյանի հրամանով հաստատվել են 2017-2018 ուսումնական տարվա գիտելիքների ստուգման, պետական ավարտական քննությունների կազմակերպման, անցկացման աշխատակարգը և ժամանակացույցը: Համաձայն աշխատակարգի` հանրակրթական ուսումնական հաստատության 4-րդ և 9-րդ դասարաններում անցկացվում են համապատասխանաբար` գիտելիքների ստուգում և պետական ավարտական քննություններ` հունիսի 1-24-ը:
Հաստատությունների 12-րդ դասարաններում անցկացվում են պետական ավարտական քննություններ` հունվարի 25-29-ը և /կամ հունիսի 1-24-ը, հայտնում է գիտության և կրթության նախարարությունը:
2017/18 ուսումնական տարվա միասնական քննությունները կմեկնարկեն հունիսի 1-ից.
- «Կենսաբանություն», «Աշխարհագրություն», «Ընդհանուր պատմություն»՝ հունիսի 1-ին,
- «Հայոց լեզու և գրականություն»՝ հունիսի 5-ին,
- «Ֆիզիկա»՝ հունիսի 8-ին,
- «Օտար լեզու»՝ հունիսի 12-ին,
- «Մաթեմատիկա»՝ հունիսի 15-ին,
- «Հայոց պատմություն», «Քիմիա»՝ հունիսի 19-ին,
- «Ռուսաց լեզու»՝ հունիսի 22-ին:
Ավարտական քննությունների համար սահմանված է հետևյալ գրաֆիկը.
12-րդ դասարան՝ «Հայոց լեզու և հայ գրականություն» /գրավոր/-հունիսի 6-ին, «Մաթեմատիկա» /գրավոր/- հունիսի 13-ին, «Հայոց պատմություն» /գրավոր/-հունիսի 20-ին:
«Ֆիզկուլտուրա»-/նորմատիվների հանձնում/՝ ուսումնական պարապմունքների վերջին շաբաթվա ընթացքում (ստուգարք):
9-րդ դասարան՝ «Հայոց լեզու և հայ գրականություն» /գրավոր/-հունիսի 4-ին, «Գրականություն» /բանավոր/ հունիսի 7-ին, «Մաթեմատիկա» /գրավոր/-հունիսի 11-ին:
«Օտար լեզու» («Ռուսերեն», «Անգլերեն», «Ֆրանսերեն», «Գերմաներեն» և այլ լեզուներ) բանավոր քննությունը կհանձնվի հունիսի 14-ին:
«Բնագիտություն» /«Ֆիզիկա», «Քիմիա», «Կենսաբանություն», «Աշխարհագրություն»/ գրավոր քննությունը-հունիսի 18-ին, «Հայոց պատմություն» բանավոր քննությունը-հունիսի 21-ին:
«Ֆիզկուլտուրա» նորմատիվների հանձնումը նախատեսված է քննաշրջանի ընթացքում
4-րդ դասարան՝ «Մայրենի» /գրավոր/-հունիսի 2-ին, «Մաթեմատիկա» /գրավոր/-հունիսի 5-ին:
Լուսանկարը՝ Aparaj.am-ի