Աշխարհ
Google Chrome-ում և Mozilla Firefox-ում «լրտեսական» ընդլայնում է հայտնաբերվել
Google Chrome և Mozilla Firefox դիտարկիչներում Stylish անվանումով ընդլայնումը գաղտնի պահպանում է օգտատերերի՝ կայքերի այցելությունների ամբողջ պատմությունը: Այս եզրակացությանն է եկել ԱՄՆ-ի Կալիֆոռնիա նահանգի Սան Ֆրանցիսկո քաղաքից ինժեներ-ծրագրավորող Ռոբերտ Տետոնը:
«Պահանջվում է մեկ cookie ֆայլ պարունակող ընդամենը մի հարցում, որն ընդմիշտ կապում է օգտատիրոջ հաշիվը Stylish-ի նույնացուցիչի հետ»,- իր բլոգում գրել է Տետոնը:
Ծրագրավորողը նաև նշել է, որ այս ընդլայնումն իր սերվերներ է ուղարկում էջերի դիտման ամբողջ պատմությունը՝ յուրաքանչյուր օգտատիրոջ հատուկ նույնականացուցիչով:
Տետոնի խոսքով՝ այս կերպ Stylish-ը և այն ստեղծող SimilarWeb ընկերությունը տիրապետում են դրանից օգտվող ցանկացած օգտատիրոջ մասին տեղեկություններին:
Ինչպես նշում է «РИА Новости»-ն, Google Chrome և Mozilla Firefox դիտարկիչներում օգտագործվող Stylish ընդլայնումը թույլ է տալիս օգտատերերին փոխել էջերի տեսքը:
Աղբյուր՝ tert.am