Հասարակական
Կապանի մարմնամարզուհիները հաղթանակով են վերադարձել
Հերթական անգամ հաղթանակով Սյունիքի մարզկենտրոն վերադարձան Կապանի մարմնամարզության մարզադպրոցի սանուհիները:
Նրանք հանդես են եկել հուլիսի 8-10-ը Գյումրիում անցկացված «Բարեկամություն» միջազգային մրցաշարում, որին մասնակցում էր երկու հարյուր մարզուհի Ռուսաստանի Դաշնությունից, Ուկրաինայից, Ուզբեկստանից, Բելառուսից, Քաթարից:
Կապանցիներից Մարի Բաղդասարյանը պարանով վարժությունում գրավել է առաջին տեղը՝ նվաճելով ոսկի, իսկ մեր մարզուհիներից չորս հոգի գրավել է երկրորդ տեղ: Կապանցի նազելիներից վեցն էլ արժանացել է երրորդ մրցանակի:
Գյումրու միջազգային մրցաշարն անց է կացվում 11-րդ անգամ, եւ սա կապանցի մարզուհիների 10-րդ մասնակցությունն էր:
Կապանի համայնքապետարան