Հասարակական
Տաքսիստը վերադարձրել է ՀՀ-ում Գերմանիայի դեսպանի կորցրած հեռախոսը
«Ժողովուրդ» օրաթերթից տեղեկանում ենք, որ ՀՀ-ում Գերմանիայի դեսպանատունը հայտնում է, որ դեսպան Մաթիաս Քիսլերի հետ հետաքրքիր միջադեպ է տեղի ունեցել:
Պարզվում է՝ դեսպանը կորցրել է իր անձնական բջջային հեռախոսը: Սակայն հեռախոսն իր տաքսիում գտել է վարորդ Սուրեն Սողոյանը, ով վերադարձրել է դեսպանատուն:
«Դեսպան Քիսլերն անչափ ուրախացավ այդ մեծ անակնկալի համար և սրտանց շնորհակալություն հայտնեց պարոն Սողոյանին»,- նշվում է հաղորդագրությունում։ Քիսլերը ՀՀ-ում Գերմանիայի դեսպանն է 2015 թվականից:
Լուսանկարը՝ ArmeniaSputnik.am-ի