Մամուլ
«Ուրախ եմ, որ Հայաստանում եմ». Կարո Փայլան
Թուրքիայի քրդական «Ժողովուրդների դեմոկրատական» (HDP) կուսակցության հայազգի պատգամավոր Կարո Փայլանը Հայաստանում մասնակցում է Հայաստան-Սփյուռք համահայկական 6-րդ համաժողովին:
Թուրքական խորհրդարանի պատգամավորը լրագրողներին հայտնել է, որ ուրախ է, որ Հայաստանում է՝ հրաժարվելով պատախանել այլ հարցերի: Այս մասին հայտնում է «Հայկական ժամանակ» օրաթերթը:
Իսկ սեպտեմբերի 17-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Կարո Փայլանին։
Նորին Սրբությունը ողջունել է պատգամավորի այցը Հայաստան «Հայաստան-Սփյուռք» 6-րդ համաժողովի առիթով և գնահատանքով անդրադարձել նրա խորհրդարանական գործունեությանը։
Տիար Կարո Փայլանը Վեհափառ Հայրապետին ներկայացրել է տարածաշրջանային զարգացումները և Թուրքիայի հասարակական կյանքում առկա իրավիճակը։
Օրաթերթը հիշեցնում է, որ սա հայազգի պատգամավորի առաջին այցն է Հայաստան. նա Հայաստան էր ժամանել սեպտեմբերի 15-ին:
Լուսանկարը՝ Armtimes.com-ից