Քաղաքական
Նյու Յորքում հանդիպել են Թիլերսոնն ու Լավրովը
Սեպտեմբերի 18-ին կայացել է Միացյալ Նահանգների պետքարտուղար Ռեքս Թիլերսոնի և Ռուսաստանի արտգործնախարար Սերգեյ Լավրովի հանդիպումը: Այս մասին փոխանցում է «Ազատություն» ռադիոկայանը:
Հանդիպումը կայացել է Նյու Յորքում՝ ՄԱԿ-ի Գլխավոր ասամբլեայի հերթական նստաշրջանին ընդառաջ:
Պաշտոնական հաղորդագրության համաձայն՝ քննարկվել է իրավիճակը Ուկրաինայում, Սիրիայում, «ինչպես նաև միջազգային կարևոր մի շարք այլ հարցեր»:
ԱՄՆ Պետքարտուղարության խոսնակ Հիզեր Նաուերթի փոխանցմամբ՝ Թիլլերսոնն ու Լավրովը վերահաստատել են իրենց դիրքորոշումը Սիրիայում հակամարտությանը, բռնություններին, ինչպես նաև ժնևյան գործընթացի բանակցությունների առաջընթացի համար պայմաններ ստեղծելու շուրջ:
Ռուսաստանի Արտգործնախարարության պաշտոնական ներկայացուցիչ Մարիա Զախարովայի խոսքով՝ բանակցությունները կենտրոնացած են եղել Սիրիայում, Ուկրաինայի արևելքում ընթացող հակամարտությունների և մերձավորարևելյան խնդիրների համատեքստում:
Լուսանկարը՝ Reuters.com-ի