Հասարակական
Հայաստան-Սփյուռք համաժողովի մասնակիցներն այցելել են Ծիծեռնակաբերդի հուշահամալիր
Հայաստան-Սփյուռք համահայկական վեցերորդ համաժողովի մասնակիցներն այսօր՝ սեպտեմբերի 19-ին, այցելել են Ծիծեռնակաբերդի Հայոց ցեղասպանության հուշահամալիր՝ հարգանքի տուրք մատուցելու Մեծ Եղեռնի զոհերի հիշատակին:
Համաժողովի մասնակիցները ծաղկեպսակ են դրել 1915 թվականի Հայոց ցեղասպանության զոհերի հիշատակը հավերժացնող հուշակոթողին և հարգել 1,5 միլիոն անմեղ զոհերի հիշատակը:
Հյուրերը եղել են նաև Հայոց ցեղասպանության թանգարան-ինստիտուտում, գրառում կատարել հուշամատյանում: Այս մասին հայտնեց «Հայկական ժամանակ» օրաթերթը:
Լուսանկարը՝ Armtimes.com-ից