Քաղաքական
ՊԲ կենտրոնական հավաքակետում կազմակերպվել է հանդիսավոր միջոցառում` նվիրված 2018թ. զորակոչի առաջին խմբաքանակի ընդունմանը
Հունվարի 9-ին բանակի կենտրոնական հավաքակետում կազմակերպվել է հանդիսավոր միջոցառում` նվիրված 2018թ. զորակոչի առաջին խմբաքանակի ընդունմանը, որին ներկա էին ՊԲ հրամանատարի առաջին տեղակալ-շտաբի պետ, գեներալ-մայոր Կարեն Աբրահամյանը, բարձրաստիճան զինվորականներ, արցախյան գոյամարտի վետերաններ, հասարակական կազմակերպությունների և հոգևոր դասի ներկայացուցիչներ:
Ողջունելով զինակոչիկներին՝ բանակի շտաբի պետը վստահեցրել է, որ հրամանատարությունը անելու է ամեն հնարավորը, որպեսզի վերջիններս լիարժեք կերպով հարմարվեն նոր միջավայրին և ամենասեղմ ժամկետներում կայանան որպես հայրենյաց լիարժեք պաշտպաններ:
Հանդիսավոր միտինգի ավարտից հետո անցկացված վիճակահանության արդյունքներով՝ նորակոչիկներն ընտրել են իրենց հետագա ծառայության վայրը:
Արցախի Հանրապետության ՊՆ մամուլի ծառայություն