Հասարակական
Արոնյանը դարձյալ պարտվեց Կրամնիկին
Գերմանիայի մայրաքաղաք Բեռլինում անցկացվող հավակնորդների մրցաշարի 10-րդ տուրում Լևոն Արոնյանը կրկին պարտություն է կրել:
10-րդ տուրում Արոնյանը սև խաղաքարերով մրցում էր Կրամնիկի հետ, պարտիայի 37-րդ քայլին Արոնյանը հանձնվել է:
Արոնյանն այս մրցապայքարի բոլոր տուրերում առավելությամբ չի փայլել: Հայկական շախմատի առաջատարը խաղերն ավարտել է պարտությամբ կամ ոչ ոքիներով: Այս մասին փոխանցում է «Հայկական ժամանակ»-ը:
Ընդհանուր մրցաշարը կազմված է 14 տուրից: Բոլոր մրցակիցները խաղալու են յուրաքանչյուրի հետ 2-ական անգամ: Գրոսմայստերները կունենան 4 հանգստյան օր: Հաղթողն իրավունք կստանա մրցամարտ անցկացնել աշխարհի չեմպիոն Մագնուս Կարլսենի հետ, որը կկայանա նոյեմբերի 9-28-ին Լոնդոնում:
Լուսանկարը՝ StlPublicRadio.org-ի