Հասարակական
Թուրքմենստանում կանանց արգելել են ներկել մազերն ու եղունգները
2018-ի մարտից Թուրքմենստանի պետհաստատություններում աշխատող կանանց արգելել են ներկել մազերն ու եղունգները, ինչպես նաև գունաթափել մազերն ու ոսկե զարդեր կրել: Չի թույլատրվում նաև թարթիչների և եղունգների արհեստական աճեցումը:
Այս որոշման համաձայն` Թուրքմենստանի մաքսատները դադարել են գունաթափման և բաց գույների ներկերի ներկրումը, հայտնում են «Թուրքմենստանի խրոնիկաները», փոխանցում է Rferl.org-ը:
Արգելվել է նաև եղունգների և թարթիչների արհեստական աճեցման համար անհրաժեշտ նյութերի ներկրումը:
Արդյունքում երկրում կանանց համար առկա նմանատիպ ապրանքները թանկացել են 50 տոկոսով:
Ապրիլից խանութներից կանհետանան մազերի գունաթափման միջոցներն ու եղունգների գելերը:
Լուսանկարը՝ Rferl.org-ի