Հասարակական
Շառլ Ազնավուրը բարեհաջող վերադարձել է Ֆրանսիա
Ֆրանսահայ հայտնի շանսոնյե Շառլ Ազնավուրը, ով նախօրեին հոսպիտալացվել էր Սանկտ Պետերբուրգ քաղաքի հիվանդանոցներից մեկը, բարեհաջող վերադարձել է Ֆրանսիա, հայտնել է gazeta.ru-ն, փոխանցում է Tert.am-ը:
«Պարոն Ազնավուրի ինքնազգացողությունը կարգավորվել է: Նրա մեջքը բռնվել էր, բայց հիմա նա իրեն նորմալ է զգում»,- պատմել են արտիստի ներկայացուցիչները:
Նրանք հավելել են, որ Փարիզում Ազնավուրին հոսպիտալացնելու կարիք չի առաջացել:
Լրատվակայքը հիշեցրել է, որ Սանկտ Պետերբուրգում կայանալիք համերգից առաջ արված փորձի ժամանակ մաեստրոյի մեջքը բռնվել էր, դրա համար միջոցառումը ստիպված չեղարկվել է: Բժիշկները բուժզննում են անցկացրել ու հաստատել, որ դա մկանային սպազմ էր:
Հայտնի է, որ Սանկտ Պետերբուրգում կայանալիք համերգը տեղափոխվել է հաջորդ տարվա ապրիլ:
Լուսանկարը՝ News.am-ի