Հասարակական
Սյունիքի մարզի արագ շախմատի 14-րդ առաջնություն
Սյունիքի մարզի արագ շախմատի 14-րդ առաջնությունը կանցկացվի 2018թ. հունիսի 17-ին, Քաջարան քաղաքում շվեյցարական մրցակարգով, 7 խաղափուլով:
Մրցաշարին իրավունք ունեն մասնակցելու Սյունիքի մարզի վարկանիշ ունեցող և առանց վարկանիշի առնվազն 2-րդ կարգ ունեցող շախմատիստները:
Մրցաշարը կանցկացվի ըստ ՖԻԴԵ-ի արագ շախմատի կանոնակարգի: Կիրառվում է «Ֆիշերի» ժամակարգը` յուրաքանչյուր պարտիայում մասնակիցներին տրվում է 10 րոպե` մինչև խաղի ավարտը, միաժամանակ յուրաքանչյուր քայլի համար, սկսած առաջինից տրվում է 5 վայրկյան լրացուցիչ ժամանակ:
Հավասար միավորների դեպքում հաշվի կառնվեն.
ա) Հատված Բուխհոլց - 1
բ) Հատված Բուխհոլց
գ) Սև գույնի ֆիգուրներով խաղացած պարտիաների առավելագույն քանակը:
Լավագույն շախմատիստները կպարգևատրվեն`
✅1-ին տեղ - 30000 դրամ,
✅2-րդ տեղ - 25000 դրամ,
✅3-րդ տեղ - 20000 դրամ,
✅4-րդ տեղ ֊ 18000 դրամ,
✅5-րդ տեղ ֊ 16000 դրամ,
✅6-րդ տեղ ֊ 14000 դրամ,
✅7-րդ տեղ ֊ 12000 դրամ,
✅8-րդ տեղ ֊ 10000 դրամ:
Հատուկ մրցանակներ կշնորհվեն` լավագույն արդյունք ցույց տված
✅վետերանին 60տ և բարձր ֊ 10000 դրամ,
✅կանանց ֊ 10000 դրամ,
✅պատանի մինչև 16տ ֊ 10000 դրամ:
Ընդ որում, յուրաքանչյուրը կարող է ստանալ միայն մեկ մրցանակ:
Մրցաշարի բացումը` ս.թ. հունիսի 17-ին, ժամը 13 00 -ին:
Առաջնության գլխավոր մրցավարն է՝ Հանրապետական կարգի մրցավար Սամվել Մարգարյանը:
Աղբյուր՝ Սյունիքի Մարզի Շախմատի Ֆեդերացիա