Տնտեսական
Հայաստանը եւ ԵՄ-ն 10 մլն եվրո ներդրումային դրամաշնորհ տրամադրելու մասին համաձայնագիր կկնքեն
Հայաստանը եւ ԵՄ-ն 10 մլն եվրո ներդրումային դրամաշնորհ տրամադրելու մասին համաձայնագիր կկնքեն: Այս մասին մայիսի 31-ին «Ֆերմերների կոնգրես» համաժողովի ժամանակ ասաց Հայաստանում ԵՄ պատվիրակության միջազգային աջակցության բաժնի համագործակցության հարցերով պատասխանատու Անդրեա Բաջիոլին:
Նրա խոսքով՝ վարկեր եւ դրամաշնորհներ կտրամադրվեն ոռոգվող ֆերմերության համար, տեխնիկական աջակցություն կտրվի: Անդրեա Բաջիոլին նշեց, որ գյուղատնտեսության ոլորտում համագործացությկան բաղադրիչը կկազմի 11.7 մլն եվրո եւ եւս 2 մլն եվրո կտրամադրի Ավստրիական զարգացման գործակալությունը: Այս աջակցությունը հիմնված է նախորդ ծրագրերի արդյունքների վրա: Նախատեսվում է նաեւ աշխատանքներ իրականցնել նաեւ վերականգնվող էներգիայի ոլորտում եւ էներգիայի արդյունավետության բարձրացման, շինարարության եւ ենթակառուցվածքի վերականգնման համար, որոնք կարող են լավ ազդեցություն ունենալ այդ ոլորտի վրա»,- նշեց նա:
Բաջիոլին ընդծեց, որ հաշվի առնելով այն, որ գյուղատնտեսությունը կազում է ՀՀ ՀՆԱ-ի 30 տոկոսը, ապա աշխատաքնները կատարվելու են ամբողջ ցիկլի արդյունավեության բարձրացման ուղղությամբ՝ արտադրանքի արտադրումից մինչեւ իրացում:
Նշենք, որ Հայաստանում մայիսի 31-ին տեղի է ունենում «Ֆերմերների կոնգրես» համաժողովը։ Միջոցառումը ֆինանսավորվում է ԵՄ-ի կողմից, «Մասնակցության քաղաքականություն, կայուն գյուղատնտեսություն» ծրագրի շրջանակում։ Նախագծի հիմնական նպատակը աջակցությունն է Հայաստանում գյուղատնտեսության կայուն զարգացմանը ագրարային քաղաքականության բարելավման ճանապարհով։
Աղբյուրը՝ NEWS.am
Հարակից նյութեր
Ամենաշատ ընթերցվածները
